史力奇版老少女

入左秋，涼涼地，最容易病。我同我既好幾個朋友都經已中左招喇﹗所以大家小心。


所謂風高物燥，最宜滋補滋補。今日就帶左一味史力奇老少女，可潤肺養顏，健脾降火。希望大家喜歡。


好﹗材料當然有黏土喇，今次要大家準備樹枝仔一支後下，還有縫衫線一條用作掛起丁丁之用。





首先要講上色，先黎個白雪雪既老少女，然後就加入你喜歡既顏色，由於時間關係，話咁快就做好左喇﹗


同樣情況當然發生係丁丁個一邊喇﹗不過要趁未乾時穿番個洞，穿好條線。





好喇，三樣原料齊備喇﹗係時後抄埋一碟。"叮"一聲﹗得左﹗





Yes!全宇宙僅此一枚既老少女史力奇立體版正式完成。


係度要多謝Stella So畫d公仔，同埋明報星期日生活既連載。


後記︰第一次做時眼太細，結果重新做一次眼的部份，做眼的時候又整壞左d頭髮，又做過d頭髮。另外面同面珠燈既顏色都一度考起我。最後做成咁喇﹗頭髮有層次架，都過得去喇﹗


其實我好鐘意丁丁個part架。雖然 Stella So 從來冇咁畫過，小弟就大膽做一次喇。


暫時未諗到跟住整d咩﹗有可能係江康泉既阿半或者係企鵝，都有諗過利志達既"K"。遲d先諗lu。